فرسان ومشاهير انصفهم الشعر..

هذا مشروع موضوع لو تعاون فيه كم عضو لجمع فيه مجموع لا بأس فيه ..ممن خلدهم الشعر وخلد ذكرهم ...

هذا موضوع يجمع فيه من ذكر في بيت او قصيدة من المشاهير والفرسان والكرماء واصحاب المواقف التي خلدها الشعر(من الروله فقط)...

وسوف نبدأ بذكر مجموعة اولى...


فارس الروله وخيالها... الفارس المغوار سند ابن دويرج..


ابيات قيلت فيه..

عينتي هاك المرحومي =خيال الشقحا القحومي= اللي اليا لحق القومي
سند والخيل يعرفنه


عينتي هاك الاشناحي =اللي الرحمته راحي=خلا له شقحن و وضاحي=

سلف وظعون يتلنه


-------------------

يا بكرتي روحي ورهان=يا شان وقته كثر طيبه
بعد ضيف الله ابن قبلان=امير لوقه انردي به
ما ليوم حظي على الخرفان=ياليت ايدامي يرهي به


يقول ( الراوي ) والعهده عليه ..( ان ورهان من العوينان من الروله .. يثني الشاعر على كرمه


----------
كلن صبوحه لبن خلفات=وانا صبوحي من البيري
يم اخو فوزه زعجنا اصوات= ركب سريع الحناتيري
رجل ما يصبر عن الزودات= ولا صابه عنا معاسيري


هذه ابيات بالشيخ المحبوب (بالشيخ فواز الشعلان رحمه الله) ذلك الشيخ المحبوب من قبيلته لما قدمه لها من مواقف خلدها التاريخ وخلدها كثير من الشعراء اخترت منها هذه الابيات (والا غيرها كثير كثير) ورحمه الله يستحق ..


-------------


يالجوف عقب مبيد العوص عفناك= اللي يتل محجلات المهارا


الى ان يقول الشاعر..

وانا غدى لي مذعر الخيل مدماك=زهام جمعه للجموع الكثارا



ابيات من قصيدة طويله قيلت بالامير نواف الشعلان رحمه الله ورحم جميع موتى المسلمين...



== .........

يعطيك العافيه مجلع الصفاء

موضوع جميل عن الفرسان الشعراء من القبيله الذين خلدوا اسمائهم في صفحة التاريخ ببطولاتهم التي وثقتها

اشعارهم وبطولاتهم ,

موضوع فكرته زينه
يعطيك العافيه مجلع الصفا

مشكور اخوي الغالي مجلع الصفا والله يعطيك الف عافيه

هلا بالغالي اخونا مجلع الصفا الله يعطيك الصحة والعافية على هالمجهود الطيب ونتمنى من الجميع التفاعل ويضيف لنا من مالدية حول هذا الموضوع.